19 авг 12:42
Янгиликлар

Теннис, Осиё ўйинлари

Осиё ўйинлари-2018. Аралаш жуфтлигимиз ғалаба билан бошлади

Индонезиянинг Жакарта ва Палембанг шаҳарларида 18-Осиё ўйинлари давом этмоқда.

Хабар берганимиздек, бугун ҳамюртларимиз 6та спорт турида баҳсларда ўз маҳоратларини намойиш этишяпти. Ушбу спорт турлари орасида теннис ҳам бўлиб, бугун микст, яъни аралаш жуфтликни ҳосил қилган теннисчиларимиз ўз иштирокларини бошлашди.

Оқгул Омонмуродова ва Санжар Файзиевдан иборат теннисчиларимиз жуфтлиги Шри-Ланка терма жамоаси аъзолари Диссанаяки/Кирера ҳамкорлигига қарши кортга чиқиб, 6:4, 6:3 ҳисобида зафар қучишди.

Бироздан сўнг Ирода Тўлаганова ва Фаррух Дўстовдан таркиб топган аралаш жуфтлигимиз Хитой Тайпейи теннисчилари Чанг/Хсиех тандемига қарши баҳс олиб боришади.