UZ

Сўнгги янгиликлар

22 авг 08:09
Янгиликлар

Осиё ўйинлари

Осиё ўйинлари-2018. Ҳозирча 11-ўриндамиз, Хитойнинг медаллари 60тага етди!

Индонезиянинг Жакарта ва Палембанг шаҳарларида 18-Осиё ўйинлари давом этмоқда.

Кеча мусобақанинг учинчи кунги баҳсларида Ўзбекистон терма жамоаси 1та кумуш, 2та бронза медалини қўлга киритди. Бугунги баҳслар олдидан терма жамоамиз медаллар жамғариш бўйича жадвалда 11-ўринни эгаллаб турибди. Жамоамиз ҳисобида 1та олтин, 3та кумуш, 6та бронза, жами 10та медал бор. 

Қозоғистон терма жамоаси 1та олтин, 5та кумуш, 7та бронза, жами 13та медалга жга бўлиб турибди. Ён қўшниларимиз уумжамоа ҳисобида роппа-роса 10-поғонадан жой олишган. 

Шу кунгача жами 60та медални қўлга киритиб улгурган Хитой терма жамоаси ҳамон катта фарқ билан медаллар жамғариш бўйича биринчи ўринни эгаллаб турибди. Чин юрти вакиллари 30та олтин, 18та кумуш, 12та бронза медали билан тақдирланишган. 

Кучли учликда Япония ва Жанубий Корея терма жамоалари жойлашишган. Йигирма иккита давлат спортчиларига камида битта медал олиш насиб қилган. Ўн олтита мамлакат терма жамоалари ҳисобида эса камида бир нафар Осиё ўйинлари-2018 чемпиони бор.   

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг