Осиё ўйинлари-2018. Медал жамғариш бўйича 10-ўриндамиз, Хитойнинг медаллари 140тага етди! (тўлиқ жадвал)

Кеча мусобақанинг олтинчи кунги баҳсларида Ўзбекистон терма жамоаси аъзолари 2та кумуш медални қўлга киритишди. Бугунги баҳслар олдидан терма жамоамиз медаллар жамғариш бўйича жами 21та медал билан жадвалда 10-ўринни эгаллаб турибди. Жамоамиз ҳисобида 4та олтин, 10та кумуш, 7та бронза, жами 21та медал бор. 

Қозоғистон терма жамоаси 3та олтин, 7та кумуш, 24та бронза, жами 34та медалга эга бўлиб турибди. Ён қўшниларимиз умумжамоа ҳисобида 11-поғонадан жой олишган. Кеча Люценко велоспорт мусобақасида Қозоғистон терма жамоасига учинчи олтин медални тақдим этди. 

Шу кунгача жами роппа-роса 140та медални қўлга киритиб улгурган Хитой терма жамоаси катта фарқ билан медаллар жамғариш бўйича биринчи ўринни эгаллаб турибди. Чин юрти вакиллари 66та олтин, 46та кумуш, 28та бронза медали билан тақдирланишган. 

Кучли учликда Япония ва Жанубий Корея терма жамоалари жойлашишган. Ўттиз битта давлат спортчиларига камида битта медал олиш насиб қилган. Йигирма тўртта мамлакат терма жамоалари ҳисобида эса камида бир нафар Осиё ўйинлари-2018 чемпиони бор.   

Камолиддин Алимов (Палембанг, Индонезия)