26 авг 14:21
Янгиликлар

Оғир атлетика, Осиё ўйинлари

Осиё ўйинлари-2018. Навбатдаги кумуш, медалларимиз сони 25тага етди!

Осиё ўйинларининг навбатдаги кунги баҳслари ҳам ўзининг қизғин палласига кириб улгурди.

Ҳозиргина Ўзбекистон спорт делегацияси ғазнаси яна бир медалга бойиди. Осиё ўйинлари дастуридан ўрин олган оғир атлетика мусобақасида ҳамюртимиз Омадой Отақўзиевага омад кулиб боқди.

Вакиламиз -75 кг вазн тоифасидаги баҳсларда иштирок этди ва даст кўтаришда 101кг, силтаб кўтаришда эса 131 кг натижа кўрсатди. Умумий ҳисобда 232 кг тошни ўзига бўйсундирган Омадой КУМУШ медал соҳибасига айланди.

Бу терма жамоамизнинг Осиё ўйинларидаги 25-медали бўлди. Ҳозирча Ўзбекистон спорт делегацияси 5 та олтин, 11 та кумуш, 9та бронза медали билан умумжамоа ҳисобида 10-ўринни эгаллаб турибди.