Осиё ўйинлари-2018. Нуриддинов даст кўтаришда 7 килограммлик устунликка эришди, у олтинга яқин! ФОТО

Асосий умидимиз ҳисобланган Руслан Нуриддинов Осиё ўйинлари чемпиони бўлишга яқин турибди. Унда айнан Осиё ўйинларининг медали йўқ, қолган барча қўлга киритилиши мумкин бўлган медалларга эга чиққан. 

Ҳозиргина -105 кг вазн тоифасидаги даст кўтариш баҳслари якунига етди. Унда Руслан уччала имкониятдан ҳам унумли фойдаланди. Нуриддинов 183, 187 ҳамда 191 кг оғирликдаги тошни ўзига бўйсундира олди. 

Бу билан у энг яқин таъқибчиси эронлик спортчини 7 килограммга ортда қолдирди. Бироздан сўнг силтаб кўтариш баҳслари бошланади ва иккикураш натижасига кўра ғолиб ҳамда совриндорлар номи маълум бўлади. 

Камолиддин Алимов, суратлар муаллифи - Ҳасан Пирмуҳаммедов (Индонезия)