Осиё ўйинлари-2018. Олимпия шаҳарчасига саёҳат (ФОТОГАЛЕРЕЯ)

Ушбу спорт байрамида меҳмонлар учун зарур бўлган барча шароитлар яратиб берилмоқда. Ўйинларнинг энг асосий иштирокчилари ҳисобланган спортчилар ўйинлар давомида махсус Олимпия шаҳарчасида истиқомат қиладилар.

Спортчиларимизнинг яшаш тарзи мухлислар учун қизиқ бўлиши аниқ. Шуни инобатга олган ҳолда «Athlete Village Kemayoran»дан тайёрланган фоторепортажни эътиборингизга ҳавола этамиз.

Шаҳарчага киришда маҳсус аккредитация маркази бор. У ерга кирувчи ОАВ ходимлари айнан шу ерда рўйхатдан ўтишлари лозим бўлади

Бироз ўтиб эса сизни кўнгиллилар назорат ўтказиш жойида кутиб оладилар

Махсус ускуна орқали шаҳарчага кирувчиларнинг ҳужжатлари текширилади

Осиё ўйинлари тимсоллари

Бу ерда эса меҳмонлар хорижий валютани маҳаллий рупияга айирбошлашлари мумкин

Шаҳарча бўйлаб юрар экансиз, у ерда мобил алоқа компаниялари вакиллари ўз хизматларини сизга таклиф этаётганликларини кўришингиз мумкин

Спортчилар ошхонасида эса сизни бир гуруҳ кўнгиллилар ана шундай эҳтиром билан кутиб оладилар

«Шаҳарча аҳолиси» айнан ушбу ошхонада овқатланадилар

Шаҳарчада қад ростлаган баланд-баланд бинолар

Ушбу кўрсатгичлар орқали Миллий олимпия қўмиталар ишчи гуруҳи штабини топиб олиш мумкин

Спортчилар учун ажратилган хоналар

Жакарта шаҳри Олимпия шаҳарчасининг 11-қаватидан мана шундай ҳолатда кўринади

Индонезиядаги Осиё ўйинларига боғлиқ қизиқарли рақамлар:

-Мусобақада 40та спорт тури бўйича беллашувлар ўтказилади

-Спортчилар 67та йўналишда баҳсларга киришадилар

-465та медаллар жамланмаси ўйналади

-Ўйинларни 5000 нафардан зиёд оммавий ахборот воситалари бевосита воқеа жойидан ёритиб борадилар

-15000 нафарга яқин спортчи ва расмий шаҳслар мусобақада иштирок этадилар

-13000 нафардан зиёд кўнгиллилар меҳмонларга ўзларининг беминнат ёрдамларини кўрсатадилар

-Осиё ўйинлари илк маротаба икки шаҳарда (Жакарта ва Палембанг) ўтказилмоқда.

Азиз Тўхтамуродов

Суратлар муаллифи: Ҳасан Пирмуҳаммедов

Жакарта.