Осиё ўйинлари-2018. Ўзбекистонлик спортчилар бугун 3та медал қўлга киритишди

20:32. Бугунги спортчиларимиз иштирокини юнон-рум курашчимиз Ислом Баҳромов якунлаб берди. Афсуски, у бронза медали учун кечган баҳсда эронлик рақибига ютқазиб, бронза медалини қўлга кирита олмади. Умуман, бугун Ўзбекистон терма жамоаси 3та медални қўлга киритди. Таэквондочиларимиз Дмитрий Шокин кумуш, Светлана Осипова бронза, оғир атлетикачимиз Адҳамжон Эргашев броназа медалига сазовор бўлишди. 

18:41. Бироздан сўнг бугунги кун дастуридан ўрин олган баҳслардаги сўнгги вакилимиз бронза медали учун гиламга чиқади. Юнон-рум курашчимиз Ислом Баҳромов -60 кг вазн тоифасида Осиё ўйинларининг бронза медали учун эронлик Меҳрдад Марданига қарши баҳс олиб боради. 

17:23. Афсуски, ҳозиргина якунига етган +80 кг вазн тоифасидаги финал учрашувида ҳамюртимиз аламли мағлубиятга учради. Жаҳон чемпиони Дмитрий Шокин финал жангида эронлик 22 ёшли Сайид Ражабига 2:3 ҳисобида ютқазиб қўйди.

16:35. Таэквондочимиз Дмитрий Шокин олтин медаль учун эронлик спортчига қарши жанг қилади.

16:29. Теннис. Афсуски, Каримов/Файзиев жуфтлиги Хитой Тайпейи, Истомин/Дўстов тандеми эса Жанубий Корея терма жамоаси вакилларига ютқазиб қўйишди.

16:18. Таэквондочимиз Дмитрий Шокин ярим финалда иорданиялик Каттан Ҳамзани 5:4 ҳисобида мағлуб этиб финалга чиқди.

16:00. Светлана Осипова ярим финалда қозоғистонлик таэквондочига 3:19 ҳисобида ютқазиб қўйди ва БРОНЗА медали соҳибасига айланди. 

15:44. Бироздан сўнг таэквондочиларимиз ярим финал жангларини ўтказадилар.

15:40. Слаломда эшкак эшишда кайакчиларимиз Рамил Кирпичев ва Жонибек Темиргалиев саралашда иштирок этишди. Темиргалиев 10, Кирпичев 13-ўринни олиб финалга чиқишди.

15:41. Афсуски, Исломжон Баҳромов ярим финалда япониялик Ота Шинобуга 0:6 ҳисобида ютқазиб қўйди. Энди у бронза медали учун гиламга чиқади. 

15:29. Оғир атлетика. Адҳамжон Эргашевда бронза медаль!  Даст кўтаришда 136кг, силтаб кўтаришда 162 кг тошни кўтара олган ҳамюртимиз 298 натижа билан учинчи ўринни эгаллади.

15:12. Юнон-рум курашчимиз Элмурат Тасмуратов чорак финалда эронлик Муҳаммадризо Гераега 8:9 ҳисобида ютқазиб қўйди.

15:02. Юнон-рум курашчимиз Исломжон Баҳромов чорак финалда ҳиндистонлик Гянендерни 5:0 ҳисобида мағлуб этиб ярим финалга чиқди.

14:41. Адҳамжон Эргашев ҳозирча 136кг натижа кўрсатди.

14:39. Спорт гимнастикаси. Оксана Чусовитина ва Сабина Туропова ўз чиқишларини бошладилар. 

14:22. Оғир атлетикачимиз Адҳамжон Эргашев медаллар учун курашни бошлаб юборган. 

13:45. Юнон-рум курашчиларимиздан Исломжон Баҳромов Хитой Тайпейи, Елмурат Тасмурадов эса Туркманистон вакилини муддатидан олдин мағлубиятга учратиб, чорак финалга йўл олдилар. 

12:53. Сабина Шарипова эса гонконглик спортчига 5:7, 6:3, 5:7 ютқазиб қўйди.

12:40. Теннисчимиз Нигина Абдураимова афсуски Жанубий Корея терма жамоаси аъзоси На Лаи Ханга 2:6, 2:6 ҳисобларида мағлуб бўлди.

11:53. Индонезия вақти билан соат 13:24да слаломда эшкак эшишда кайакчиларимиз Рамил Кирпичев ва Жонибек Темиргалиев саралашни бошлашади.

11:50. Тўққизинчи медаль ҳам нақд бўлди! Таэквондочимиз Дмитрий Шокин чорак финалда ҳиндистонлик Акшай Кумарни 15:1 ҳисобида мағлуб этиб ярим финалга чиқди.

11:40. Слаломда эшкак эшиш: Каноэчиларимиз Алибек Темиргалиев ва Абубакир Буканов финалга чиқишди. Темиргалиев саралашда иккинчи, Буканов эса ўнинчи натижани кўрсатди. Финал 22 август куни бўлиб ўтади.

11:29. 200 метрга чалқанча услубда сузишда ҳамюртимиз Владислав Мустафин саралашда ўз гуруҳида маррага 5-бўлиб келди.

11:23. Яна бир медаль нақд! Таэквондочимиз Светлана Осипова чорак финалда камбоджалик Сорн Сеавмейни 5:3 ҳисобида ютиб ярим финалга чиқди.

11:19. 50 метрга эркин услубда сузишда ҳамюртларимиз Алексей Тарасенко  ва Хуршид Турсунов саралашда ўз гуруҳларида 6-ўринни банд этишди.

11:05. Академик эшкак эшишнинг LM4 йўналишида (тўртталик) стартга чиққан спортчиларимиз маррага биринчи бўлиб етиб келишди ва финалда қатнашиш ҳуқуқини қўлга киритишди.

10:22. Афсуски таэквондочимиз Чарос Қаюмова таиландлик рақибасига 27-28 ҳисобида мағлуб бўлди.


10:09. Академик эшкак эшиш. Шаҳбоз Холмурзаев ва Шаҳбоз Абдужабборов жуфтлиги саралаш босқичида маррага иккинчи бўлиб етиб келишди ва тўғридан-тўғри финалда иштирок этиш ҳуқуқини қўлга киритишди.


09:48. Таэквондо. Светлана Осипова илк жангида эронлик спортчи устидан 6:3 ҳисобида ғалаба қозонди ва кейинги босқичга йўл олди.


09:27. Таэквондочимиз Чарос Қаюмова баҳсларни ғалаба билан бошлади. У биринчи жангида Шарқий Тимор аъзосини мағлубиятга учратди.

Ассалому алайкум. Бугун Осиё ўйинларида кўплаб спортчилар юртимиз шарафини ҳимоя қиладилар:

Таэквондо:
(саралаш ва финал)

+67кг: Светлана Осипова
-56кг: Чарос Қаюмова
+80кг: Дмитрий Шокин


Юнон-рум кураши:
(саралаш ва финал)

-60кг: Исломбек Баҳромов
-67кг: Елмурат Тасмурадов


Оғир атлетика:
(финал)

-62кг: Адҳамбек Эргашев


Ушу:

-60кг: Исломбек Ҳайдаров (чорак финал)
-65кг: Акмал Раҳимов (чорак финал)


Спорт гимнастикаси:
(эркин машқлар, саралаш)

Оксана Чусовитина
Сабина Туробова


Академик эшкак эшиш:
(яккалик, чорак финал):

Жасурбек Мавлонов


(жуфтлик, чорак финал):
Сардор Тўлқинхўжаев
Алишер Турдиев


(тўртталик LM4, чорак финал):
Исламбек Мамбетназаров
Шоҳжаҳон Нажмиев
Шеҳроз Ҳакимов
Зафар Усмонов

(тўртталик М4х, чорак финал):
Ўктамжон Давронов
Фаррух Астонов
Абдулло Муҳаммадиев
Шаҳбоз Абдужабборов


Слаломда эшкак эшиш:
(саралаш)

Абубакир Буканов
Алибек Темиргалиев


Теннис:

(эркаклар, жуфтлик, нимчорак финал):
Денис Истомин/Фаррух Дўстов - Хонг/Ли (Жанубий Корея)

(аёллар, яккалик, нимчорак финал):
Нигина Абдураимова - На Лаи Хан (Жанубий Корея)
Сабина Шарипова - Жанг Ли (Гонконг)

(микс, нимчорак финал):
Оқгул Омонмуродова/Санжар Файзиев - Кумкумл/Ративана (Таиланд)


Сузиш:

Юлдуз Қўчқарова (50 метр, эркин)
Алексей Тарасенко (50 метр, эркин)
Хуршид Турсунов (50 метр, эркин)
Владислав Мустафин (200 м, чалқанча)