Осиё ўйинлари-2018. Роппа-роса 10-ўриндамиз, ҳозирча!

Айни дақиқаларга қадар Ўзбекистон терма жамоаси медаллар жамғариш бўйича жадвалда 10-ўринни эгаллаб турибди. Жамоамиз жавонида 1та олтин, 1та кумуш, 2та бронза медали бор. Бугун кумуш мелални ушу баҳсларида Осиё чемпиони Дарья Латишева қўлга киритди. 

Қозоғистон терма жамоаси ҳозир яна битта бронза медалига сазовор бўлди ва ҳозирча биздан битта поғона юқорига кўтарилиб олди. Ён қўшниларимизнинг медаллари сони 5тага етди. 

Жами 21та медални қўлга киритиб улгурган Хитой терма жамоаси ҳамон катта фарқ билан медаллар жамғариш бўйича биринчи ўринни эгаллаб турибди. Чин юрти вакиллари 11та олтин, 5та кумуш, 5та бронза медали билан тақдирланишган. 

Ўн саккизта давлат спортчиларига камида битта олтин медал олиш насиб қилди. Ўн иккита мамлакат терма жамоалари ҳисобида камида бир нафар Осиё ўйинлари-2018 чемпиони бор.