19 авг 15:16
Янгиликлар

Теннис, Осиё ўйинлари

Осиё ўйинлари-2018. Тўлаганова ва Дўстовда мағлубият

Хабар берганимиздек, бугун Осиё ўйинлари-2018 дастуридан ўрин олган теннис мусобақаси ҳам бошланди.

Ўттиз олти ёшли Ирода Тўлаганова ва Фаррух Дўстовдан таркиб топган аралаш жуфтлигимиз Хитой Тайпейи теннисчилари Чанг/Хсиех тандемига қарши баҳс олиб борди. Бир соату 1 дақиқа давом этган учрашувда тажрибали теннисчиларимиз 1:6, 4:6 ҳисобида имкониятни бой беришди.

Эслатиб ўтамиз, бироз аввал Оқгул Омонмуродова ва Санжар Файзиевдан иборат теннисчиларимиз жуфтлиги Шри-Ланка терма жамоаси аъзолари Диссанаяки/Кирера ҳамкорлигига қарши кортга чиқиб, 6:4, 6:3 ҳисобида зафар қучишган эди.