22 авг 09:47
Янгиликлар

Эшкак эшиш, Осиё ўйинлари

Осиё ўйинлари-2018. Тўрт кишилик эшкак эшувчиларимиз 2-ўрин билан финалга чиқишди

Хабар берганимиздек, Палембанг шаҳрида Осиё ўйинлари дастуридан ўрин олган академик эшкак эшиш бўйича мусобақа давом этмоқда.

Ҳозиргина тўрт кишилик қайиқда ўтказилган ярим финал саралаш босқичи якунланди. Ўктамжон Давронов, Фаррух Астанов, Абдулло Муҳаммадиев ва Шаҳбоз Абдужабборовдан иборат терма жамоамиз 2000 метр масофани иккинчи ўринда босиб ўтишди.

Спортчиларимиз белгиланган масофани босиб ўтиш учун 6 дақиқа 29.01 сония вақт сарфлашди. Индонезия терма жамоаси 6:25.95 вақт натижаси билан саралашни биринчи ўринда якунлашди. А финалида Индонезия, Ўзбекистон, Жанубий Корея ва Таиланд терма жамоалари стартга чиқишади.