Осиё ўйинлари-2018. Тўрт кишилик эшкак эшувчиларимиз энг яхши натижа билан финалга чиқишди+ФОТО

Бугун яккалик, икки ва тўрт кишидан иборат эшкак эшувчиларимиз ярим финал баҳсида стартга чиқишди. Жасурбек Мавлонов якка қайиқда умумий бешинчи натижа билан B финалида иштирок этадиган бўлди. 

Шаҳбоз Холмурзаев ва Шаҳбоз Абдужабборовдан иборат икки кишилик дуэт 2000 метр масофани 7 дақиқа 05.19 сонияда босиб ўтди. Бу ярим финалда қатнашган экипажлар орасидаги иккинчи натижа бўлди ва ҳамюртларимиз финалга йўл олишди. 

Зафар Усмонов, Ислом Мамбетназаров, Шеҳроз Ҳакимов ва Отамурод Раҳимовдан иборат тўрт кишилик қайиғимиз эса маррага биринчи бўлиб етиб келди. Улар 2000 метр масофани 6 дақиқа 48.12 сонияда босиб ўтишди. Иккинчи ўринни ҳиндистонлик эшкак эшувчилар эгаллашди. 

Камолиддин Алимов. Суратлар муаллифи - Абдулло Файзуллаев (Палембанг, Индонезия)