Осиё ўйинлари. Асосий спорт делегациямиз Жакартага етиб келди

Бундан бир неча дақиқа аввал Осиё Олимпиадасида иштирок этувчи спортчиларимизнинг асосий делегацияси Жакарта шаҳрига етиб келди. Ислом Каримов номли Тошкент халқаро аэропортида ташкил этилган тантанали кузатиш маросимида ҳукумат вакиллари, спорт мутасаддилари ҳамда ОАВ ходимлари ҳозир бўлишди. 

Делегация таркибидан таэквондо, эркин ва юнон-рум кураши, спорт гимнастикаси, бокс (чарм қўлқоп усталаримизнинг уч нафари - Ҳасанбой Дўсматов, Жасурбек Латипов ҳамда байроқдоримиз Исроил Мадримов 16 август куни Индонезияга етиб келишганди, - муаллиф) каби спорт тури вакиллари жой олишган. 

Жакарта халқаро аэропортида Ўзбекистон спорт делегациясини элчихона расмийлари, МОҚ вакиллари, Индонезияда яшаётган ҳамюртларимиз ҳамда ОАВ ходимлари кутиб олишди. Қолган спортчиларимиз мусобақаларнинг бошланиш вақтига қараб Жакарта ва Палембанг шаҳарларига етиб келишади.