24 авг 17:36
Янгиликлар

Теннис, Осиё ўйинлари

Осиё ўйинлари. Денис Истомин финалда!

Осиё ўйинлари дастуридан ўрин олган теннис мусобақаси ҳам ўзининг ҳал қилувчи палласига кирди.

Мусобақаларда турли йўналишларда стартга чиққан 8 нафар ҳамюртимиздан биргина Денис Истомин ярим финалга қадар етиб келди. Мамлакатимизнинг ҳамда турнирнинг биринчи ракеткаси бўлган Истомин бироз олдин ярим финал учрашувини ўтказди.

Теннисчимиз ҳиндистонлик Пражнеш Гуннесваранга қарши кортга чиқди. Дунё рейтингида 161-ўринни эгаллаб турган ушбу теннисчини 75-ўриндаги Денис икки сетда бир хил 6:2 ҳисобида таслим қилиб финалга йўл олди.

Финалда Истомин Ли Дук Хи (Ж.Корея) - Ву Йибинг (Хитой) жуфтлиги ғолибига қарши кортга чиқади.