Осиё ўйинлари. Исроил Мадримов шарафли вазифани олтин медаль билан оқламоқчи

Бугун Миллий олимпия қўмитасида спортчиларимизни расмий кузатиш маросими ташкил қилинди. Унда Ўзбекистон спорт делегацияси байроқдори вазифасини бажарадиган боксчи Исроил Мадримов яқинлашиб келаётган турнирда ишончни оқлашга ҳаракат қилишини айтиб ўтди.

“Ушбу катта ва масъулиятли вазифа менга топширилганидан бениҳоя хурсандман. Шарафли вазифани қўлдан келганича олтин медаль билан оқлашга ҳаракат қиламан. Менда олтин медални қўлга киритишим учун етарлича мотивация бор. Чунки, олдинги Осиё ўйинларида финалгача етиб бориб, кумуш медални қўлга киритгандим. Энди уни олтинга айлантираман. Индонезиядаги мусобақада барча спортчиларимизга омад тилайман”, - деди Исроил Мадримов.