Осиё ўйинлари. Мусобақанинг еттинчи кунида битта олтин медалга эга чиқдик!

Ўзбекистонлик спортчиларимизнинг иштирокига оид тезкор хабарларни ушбу саҳифа орқали кузатиб боришингиз мумкин бўлди.

Бугун теннисчимиз Денис Истомин ОЛТИН медаль соҳибига айланди.

19:30. 10000 метрга югуриш баҳсларида иштирок этган енгил атлетикачимиз Ситора Ҳамидова 33:08.93 натижа билан маррага етиб борди ва саккизинчи ўриндан жой олди.

18:18. Енгил атлетика. Нигина Шарипова 100 метрга югуриш баҳсларида 11.59 натижа билан кейинги босқич йўлланмасини қўлга киритди. Эртага ярим финал ва финал мусобақалари бўлиб ўтади

15:10. Жиу-житсу. Илҳом Жўраев бронза медали учун жангга чиқди. Қозоғистонлик Ризан Махачевга қарши бўлган баҳсда ҳамюртимиз 4:4 ҳисобидаги дурангни қайд этганди. Аммо, фаоллик эвазига ғалаба рақибга берилди.

14:02. Каратэ. Айбиби Аҳмедова илк жангида эронлик Ҳамидеҳ Аббасалига 0:7 ҳисобида ютқазиб қўйди.

13:14. Бироздан сўнг каратэчимиз Айбиби Аҳмедова жанг қилади.


12:59. Жиу-житсу. -94кг вазн тоифасида юртимиз шарафини ҳимоя қилаётган Илҳом Жўраев ярим финалда мағлуб бўлди. Энди у бронза медали учун қозоғистонлик Ризат Махашевга қарши жанг қилади.

12:23. Теннисчимиз Денис Истомин финалда хитойлик Йибинг Вуни 2:6, 6:2, 7:6 ҳисобларида мағлуб этди ва ОСИЁ ЎЙИНЛАРИНИНГ ОЛТИН МЕДАЛИНИ ҚЎЛГА КИРИТДИ!

11:10. Денис Истомин финал ўйинини ўтказмоқда. Биринчи сетдан сўнг у 

10:58. Енгил атлетика. Баландликка сакрашнинг саралаш баҳсларида иштирок этган ҳамюртимиз Дмитрий Мельситов 2,15м натижа кўрсатди ва финалга йўл олди. Медаллар учун баҳси 27 август куни бўлиб ўтади.

10:42. Теннисчимиз Денис Истомин финал ўйинини бошлади. Баҳсда ҳамюртимизга хитойлик Йибинг Ву рақиблик қилмоқда.

10:28. Жиу-житсу. Илҳом Жўраев чорак финалда қувайтлик Эмад Алсумаидни 3:0 ҳисобида мағлуб этди ва ярим финалга йўл олди. 

09:42. Жиу-житсучимиз Жаҳонгир Мираҳмедов нимчорак финалда БАА вакили Сакл Алмарзуига 0:100 ҳисобида мағлуб бўлди. 

09:12. Дмитрий Мельситов иккинчи уринишдан сўнг 2.10м натижа билан учинчи ўринда кетмоқда.

08:54. Жиу-житсу. Ўз иштирокини Фаластин спортчисига қарши бошлаши кўзда тутилган Илҳом Жўраев автоматик равишда чорак финалга йўл олди.

08:40. Енгил атлетикачимиз Дмитрий Мельситов баландликка сакрашнниг саралаш босқичидаги иштирокини бошлади.

07:57. Ўзбекистоннинг биринчи ракеткаси Денис Истомин иштирокидаги ўйин Тошкент вақти билан соат 10:00дан сўнг бошланади. 

06:37. Енгил атлетиканинг марафон йўналишида иштирок этган Андрей Петров маррага тўққизинчи бўлиб етиб борди. Ҳамюртимиз 2:26:52 натижа кўрсатди. У биринчи ўринни қўлга киритган япониялик Хирото Иноуэдан 8,30 дақиқа ортда қолди.

Бугун Осиё ўйинларининг еттинчи кунида қуйидаги спортчиларимиз юртимиз шарафини ҳимоя қиладилар:

Енгил атлетика:

Андрей Петров (марафон)

Нигина Шарипова (100м югуриш, 1 босқич)

Дмитрий Мельситов (баландликка сакраш, саралаш,

Ситора Ҳамидова (10000 югуриш, финал)


Каратэ:

-68кг: Айбиби Аҳмедова


Жиу-житсу:

-62кг: Жаҳонгир Мираҳмедов
-62кг: Раҳимжон Субхонов
-94кг: Илҳом Жўраев


Гольф:

Жамоавий, 3-босқич:

Канатбек Курбаналиев
Сергей Чен
Роман Тен
Евгений Ли


Теннис:

Финал

Денис Истомин - Йибинг Ву (Хитой)