23 сен 12:40
Янгиликлар
Осиё ўйинлари
Осиё ўйинларида олтин медаль қўлга киритган андижонлик спортчиларга 30 миллион сўмдан мукофот пули берилди
Андижон шаҳридаги “Соғлом авлод” стадионида Индонезиянинг Жакарта ва Палембанг шаҳарларида бўлиб ўтган XVIII Осиё ўйинлари ғолиб ва совриндорлари бўлган андижонлик спортчиларни тақдирлашга бағишланган тадбир ўтказилди.
Осиё ўйинларида олтин медални қўлга киритган – оғир атлетикачи Руслан Нуриддинов, боксчилар Иқболжон Холдоров, Жасурбек Латипов 30 миллион сўмдан, кумуш медаль совриндорлари – боксчи Ҳасанбой Дўсматов, оғир атлетикачи Омадой Отақўзиева 20 миллион сўмдан ва бронза медаль совриндори – курашчи Ойсулув Абдумажидова 15 миллион сўм миқдоридаги пул мукофоти билан тақдирланди.
– Мен Осиё спорт ўйинлари тарихида мамлакатимиз оғир атлетикачи аёллари орасида биринчи бўлиб медалга сазовор бўлганимдан беҳад хурсандман, – дейди Осиё ўйинлари кумуш медали совриндори Омадой Отақўзиева. – Қўлга киритган ютуқларимиз қадрланиб, бизга кўрсатилаётган эътибор ва эҳтиромдан бошим кўкка етди.
Тадбирда Андижон вилояти ҳокими Ш.Абдураҳмонов сўзга чиқди.
Ҳавола :
Манба : UzA
Фикрлар