Осиё ўйинларининг бешинчи кунини 3 та бронза медали билан якунладик

Кун давомида ўзбекистонлик спортчилар 3 та бронза медалини қўлга киритишди.

Совриндорлар рўйхати:

Владимир Свечников (Ўқ отиш)

Светлана Осипова (Таэквондо)

Ҳумоюн Султонов (Теннис).

- - - - -

Ушбу саҳифа орқали бугунги кун доирасида иштирок этаётган спортчиларимизнинг натижаларидан онлайн равишда бохабар бўлиб боришингиз мумкин бўлди.

- - - - -

19:04. Киберспортнинг Peace Elite (PUBG) ўйини бўйича терма жамоамиз 2-раундни якунлади. Афсуски, вакилларимиз бу сафар Саудия Арабистони, Шри-Ланка ва Макао жой олган гуруҳда сўнгги натижани қайд этди. Бу эса кейинги босқичга ўтиш учун етарли бўлмади. Эслатиб ўтамиз, таркибда таниқли стример "Якудза" ҳам бор эди.

19:00. Асадхўжа Мўйдинхўжаев (-71 кг) филиппинлик рақибига қарши нимчорак финал жангини ўтказди ва 5:0 ҳисобида ғалаба қозониб, чорак финалга йўл олди. Жанг давомида ҳамюртимиз рақибини бир неча бор нокдаун ҳолатига туширди.

18:29. Футбол бўйича аёллар терма жамоамиз "А" гуруҳида 2-тур ўйинини мезбон Хитойга қарши ўтказди ва 0:6 ҳисобида мағлубиятга учради. Қизиғи, футболчиларимиз илк турда Мўғулистонни ҳудди шу ҳисобда таслим этган эди.

18:00. Сув полоси. Аёллар терма жамоамиз Японияга қарши баҳсда 7:37 ҳисобида мағлубиятга учради. Бу вакилаларимизнинг мусобақа доирасидаги тўртинчи ўйини бўлди. Кейинги ўйин 30 сентябрь куни Сингапурга қарши бўлиб ўтади.

17:48. Ҳасанбой Дўсматов нимчорак финал доирасида қозоғистонлик Сакен Бибиосинов билан жанг қилди ва 4:1 ҳисобида ғалаба қозониб, чорак финалга йўл олди!

16:49. Сузувчимиз Элдорбек Усмонов 50 метрга баттерфляй усулида сузиш йўналишининг финал босқичида 23:56 натижа билан 8 нафар спортчи орасида олтинчи бўлди.

16:08. Ўзбекистон U23 (эркаклар) терма жамоаси нимчорак финал босқичида Индонезияни 2:0 ҳисобида мағлуб этди ва чорак финал масаласини ҳал қилди.  

16:06. Бокс. Райҳона Қодирова қатарлик Дана Ал Жаборни илк раунддаёқ муддатидан олдин мағлубиятга учратди ва чорак финалга йўл олди.

Қарийб бир ярим соатлик танаффусдан сўнг яна ўзбекистонлик спортчилар иштироки старт олмоқда. Боксчимиз Райҳона Қодирова ҳамда сув полочиларимиз иштирокидаги баҳслар бошланиш арафасида

15:50. Велоспортчимиз Алексей Фомовский омниум пойгаларини бешинчи ўринда якунлади.

14:30. Велоспорт. Ольга Забелинская ва Нафосат Қозиева мэдисонда тўртинчи натижани қайд этишди. Афсуски ушбу йўналишда ҳам медаль учун озгина етмади.

14:18. Стол тенниси. Марҳабо Магдиева ва Розалина Хаджиева тандеми хитойлик рақибаларига 0:3 (1:11, 4:11, 1:11) ҳисобида имкониятни бой бериб қўйишди.

13:30. Ҳумоюн Султонов ярим финалда дунёнинг 60-ракеткаси, хитойлик Жиженг Жангга 4:6, 1:6 ҳисобида имкониятни бой берди ва Осиё ўйинларининг бронза медали соҳибига айланди!

13:03. Ҳумоюн Султонов биринчи сетда 4:6 ҳисобида ютқазиб қўйди.

12:55. Оксана Чусовитина ўз чиқишини 13,084 балл билан якунлади ва тўртинчи ўринни эгаллади.

12:10. Киберспортчиларимиз Peace Elite (PUBG) ўйини бўйича "А" гуруҳи саралашини биринчи босқичини 2-ўринда якунлади. Терма жамоамиз таркибида Шоҳруз "Якудза" Назаров, Рикардо "Рикки" Шарафиддинов, Диёржон Абдумаликов ҳамда Жамолиддин Турғунов ҳаракат қилди. Бироздан сўнг кечки дастурда 1/8 финал йўнналмаси учун кураш бўлади. 

12:04. Спорт гимнастикаси. Ҳумоюн Исломов финални тўртинчи ўринда якунлади. Эххх... Медалга озгина етмадик. Тўртинчи ўрин!

11:17. Светлана Осипова ярим финал босқичида хитойлик рақибасига имкониятни бой бериб қўйди ва натижада Осиё ўйинларининг бронза медалини қўлга киритди.

11:02. Светлана Осипова иштирокидаги ярим финал жанги бошланмоқда. "Спорт ТВ"да жонли эфир.

10:00. Светлана Осипова Тошкент вақти билан соат 11:00да ярим финалда хитойлик рақибасига қарши даянга чиқади.

9:30. Бироздан сўнг теннисчимиз Ҳумоюн Султонов ярим финалда хитойлик рақибга қарши кортга чиқади.  

8:52. Бизда куннинг дастлабки медали! Тўппончадан 10 метрдан ўқ отиш баҳсларида Владимир Свечников БРОНЗА медални қўлга киритди!

8:37. Ўқ отиш. Владимир Свечников финалдаги иштирокини бошлади. "Спорт ТВ"да жонли эфир. 

8:33. Стол тенниси. Марҳабо Магдиева гонконглик рақибасига 0:4 ҳисобида ютқазди.

8:18. Қиличбозлик. Сабля бўйича эркаклар терма жамоамиз чорак финалда Хитойга 31:45 ҳисобида ютқазди. 

8:15. Чим устида хоккей. Эркаклар ўртасидаги баҳсларда терма жамоамиз Покистонга 2:18 ҳисобида мағлуб бўлишди. 

8:11. Ўқ отиш. 10 метрга тўппончадан отиш баҳсларида йигитларимизга бироз омад етишмади ва финалда тўртинчи натижани қайд этишди. 

8:04. Таэквондо. Никита Рафалович мусобақадаги иштирокини чорак финалдан бошлади. У Хитой Тайпейи вакилига қарши жангда афсуски 1:2 (3:4, 8:0, 2:3) ҳисобида ютқазиб қўйди. 

7:45. Сузувчимиз Элдорбек Усмоновнинг натижаси финал учун етарли бўлди ва у кечки дастурда медаллар учун сузади.

7:31. Таэквондочимиз Светлана Осипова ўз иштирокини чорак финалдан бошлади. У илк жангини эронлик рақибасига қарши ўтказди ва 2:1 ҳисобида ғалаба қозонди. 

7:21. 50 метрга баттерфляй усулида сузиш баҳсларининг саралашида юртдошимиз Элдорбек Усмонов ўз гуруҳида 23.54 натижа билан маррага учинчи бўлиб етиб келди. Бироздан сўнг унинг финалга чиққан-чиқмаганлини аниқ бўлади.

6:55. Қиличбоз йигитларимиз сабля йўналишида Вьетнамни 45:40 ҳисобида мағлуб этишди ва чорак финалга чиқишди. Навбатдаги рақиб - Хитой.

Ассалому алайкум ҳурматли спорт ишқибозлари. Ўзбекистонлик спортчиларнинг Осиё ўйинларидаги иштирокига оид навбатдаги онлайн матнли трансляцияни бошлаймиз.

Бугун кун давомида қуйидаги спортчилар Ўзбекистон шарафини ҳимоя қилади:  

6:00. - Ўқ отиш. Эркаклар, 10 метрга тўппончадан ўқ отиш, саралаш. Владимир Свечников, Муҳаммад Камолов, Вениамин Никитин

6:00. - Ўқ отиш. Эркаклар, 10 метрга тўппончадан ўқ отиш, жамоавий, финал. Ўзбекистон (Владимир Свечников, Муҳаммад Камолов, Вениамин Никитин)

6:00. - Қиличбозлик. Эркаклар жамоавий, сабля, нимчорак финал. Ўзбекистон - Вьетнам

6:00. - Чим устида хоккей. Эркаклар, "А" саватча, 3-ўйин. Ўзбекистон - Покистон

6:00. - Киберспорт. Peace Elite ўйини бўйича, "А" гуруҳи, 1-раунд. Ўзбекистон (Диёржон Абдумаликов, Шоҳруз Назаров, Жамолиддин Турғунов, Рикардо Шарафиддинов)

7:00. - Велоспорт. Алексей Фомовский (эркаклар, омниум)

7:30. - Велоспорт. Аёллар, Спринт. Нафосат Козиева, Ольга Забелинская

7:10 дан сўнг. - Сузиш. 50 метрга баттерфлай усулида сузиш, саралаш. Элдорбек Усмонов

7:15. - Таэквондо. Аёллар, +67 кг, чорак финал. Светлана Осипова - Анаҳита Таваколи (Эрон)/Кирстие Алора (Филиппин)

7:45. - Таэквондо. Эркаклар, +80 кг, чорак финал. Никита Рафалович - Ен Менг Ли (Хитой Тайпейи)/Рай Раҳи (Ливан)

8:00. - Стол тенниси. - Аёллар, яккалик, 1/16 финал. Марҳабо Магдиева - Хой Кем Ду

10:00 дан сўнг. - Теннис. Эркаклар, яккалик, 1/2 финал. Ҳумоюн Султонов - Жизен Жанг (Хитой)

11:30. - Спорт гимнастикаси. Эркаклар, таяниб сакраш, финал. Ҳумоюн Исломов

11:30 дан сўнг. - Спорт гимнастикаси. Аёллар, таяниб сакраш, финал. Оксана Чусовитина

13:00 дан сўнг. - Стол тенниси. Аёллар, жуфтлик, 1/16 финал. Марҳабо Магдиева/Розалина Хожаева

13:30. - Футбол. Эркаклар, нимчорак финал. Ўзбекистон - Индонезия

16:00. - Сув полоси. Аёллар. Ўзбекистон - Япония

16:00. - Бокс. Аёллар, -60 кгда нимчорак финал. Райҳона Қодирова - Дана Ал-Жабор (Қатар)

16:30. - Футбол. Аёллар, "А" гуруҳи, 2-тур. Ўзбекистон - Хитой

17:30. - Бокс. Эркаклар, -51 кгда нимчорак финал. Ҳасанбой Дўсматов - Сакен Бибосинов (Қозоғистон)

18:45. - Бокс. Эркаклар, -71 кгда нимчорак финал. Асадхўжа Мўйдинхўжаев -  Марйон Пианар (Филиппин).