Осиё ўйинларининг сўнгги кунида ўзбекистонлик спортчилар 13та медалга эга чиқишди!

Спортчиларимизнинг иштирокига оид маълумотларни ушбу саҳифа орқали кузатиб боришингиз мумкин бўлди. 

15:49. Дзюдо. Жамоавий баҳсларда қатнашган спортчиларимиз бронза медали учун Жанубий Корея терма жамоасига қарши жанглар олиб боришди ва мусобақани якунлашди. 

15:11. Самбочимиз Камолиддин Холмаматов финалда тожикистонлик Умид Ҳасанбековга қарши жанг қилди ва ғалаба қозонди! Бу биз учун ушбу Осиё ўйинларидаги 21-ОЛТИН медаль эди!

14:57. Самбочимиз Нилуфар Давлетова финалда қозоғистонлик рақибга қарши жанг қилди ва имкониятни бой берди. КУМУШ медаль!

14:48. Бироздан сўнг самбочиларимиз олтин медаль учун жанг қиладилар. 

14:32. Исроил Мадримов финалда қозоғистонлик Абилхан Аманқулга қарши жанг қилди ва ғалаба қозонди. Байроқдорлар ўртасидаги жангда Исроил ғолиб! 20-ОЛТИН!

14:07. Бокс. Бобоусмон Батуров финалда Қозоғистон терма жамоаси аъзоси Алимбек Шимбергеновга қарши жанг қилди ва ишончли ғалабага эришди! Бу Ўзбекистон учун 19-ОЛТИН медаль бўлди!

13:40. Иқболжон Холдоров финалда мўғулистонлик спортчини мағлуб этди ва ОЛТИН МЕДАЛЬ қўлга киритди!

13:27 - Иқболжон Холдоров - Чинзориг Баатарсух (Мўғулистон) жанги бошланди.

12:52 - Шунқор Абдурасулов финалда мўғулистонлик Тсендбаатар Ерденебатга ютқазиб қўйди ва КУМУШ МЕДАЛИ соҳиби бўлди.

12:30 - Миразиз Мирзаҳалилов финалда шимолий кореялик Хё Нам Жони мағлуб этиб ОЛТИН МЕДАЛИ соҳиби бўлди. Рақибнинг учинчи раундда қоши ёрилиб кетгани учун шифокорлар унга баҳсни давом эттириш учун имкон беришмади.

12:15. Жасурбек Латипов финалда филиппинлик Роген Ладонни мағлуб этиб ОЛТИН МЕДАЛИ соҳиби бўлди. Ладоннинг икинчи раундда қоши ёрилиб кетгани учун шифокорлар унга баҳсни давом эттириш учун имкон беришмади.

12:13. Ҳасанбой Дўсматов финалда ҳиндистонлик Амитга ютқазиб қўйди ва КУМУШ медали соҳиби бўлди.

11:25. Самбо. Гулмира Исматова бронза медали учун иккинчи ўтиш босқичида япониялик спортчига 0:2 ҳисобида ютқазиб қўйди.

11:10. Тошкент вақти билан соат 12:00да бокс финаллари бошланади. Эслатиб ўтамиз, 7 нафар боксчимиз финалда.

12:00 - Ҳасанбой Дўсматов - Амит (Ҳиндистон)
12:15 - Жасурбек Латипов - Роген Ладон (Филиппин)
12:30 - Миразиз Мирзаҳалилов - Хё Нам Жо (Шимолий Корея)
12:45 - Шунқор Абдурасулов - Тсендбаатар Ерденебат (Мўғулистон)
13:00 - Иқболжон Холдоров - Чинзориг Баатарсух (Мўғулистон)
13:15 - Бобоусмон Батуров - Асланбек Шимбергенов (Қозоғистон)
13:30 - Исроил Мадримов - Абилхан Аманкул (Қозоғистон)

11:08. Самбочиларимиз финални Тошкент вақти билан соат 14:20да бошлашади

11:05. Самбо. Нилуфар Давлетова қозоғистонлик спортчини 4:0 ҳисобида мағлуб этиб ФИНАЛга чиқди.

11:01. Самбо. Камолиддин Холмаматов тожикистонлик спортчини 3:0 ҳисобида мағлуб этиб ФИНАЛга чиқди.

10:57. Самбо. Неъмат Ёқубов бронза медали учун ўтиш босқичида туркманистонлик спортчига 1:3 ҳисобида мағлуб бўлди.

10:25. Самбо. Гулмира Исматова бронза медали учун биринчи ўтиш босқичида индонезиялик спортчини 4:0 ҳисобида мағлуб этди.

10:11. Самбо. Камолиддин Холмаматов эронлик спортчини 4:0 ҳисобида мағлуб этиб ярим финалга чиқди.

10:10. Самбо. Неъмат Ёқубов чорак финалда қозоғистонлик спортчига 1:3 ҳисобида мағлуб бўлди.

10:08. Самбо. Гулмира Исматова чорак финалда мўғулистонлик спортчига 0:2 ҳисобида ютқазиб қўйди.

9:45. Самбо. Нилуфар Давлетова индонезиялик спортчини 4:0 ҳисобида мағлуб этиб ярим финалга чиқди.

9:40. Эшкак эшиш. Казанцева, Борзова, Шубина, Кочнева тўртлиги 500м масофага ўтказилган баҳсларда маррага учинчи бўлиб етиб боришди ва БРОНЗА медалига сазовор бўлишди!

9:24. Самбо. Камолиддин Холмаматов япониялик спортчини 3:0 ҳисобида мағлуб этиб чорак финалга чиқди.

9:13. Триатлончи Александр Куришов финалда 13-ўринни эгаллади. Жавоҳир Юнусов эса финишга етиб кела олмади.

9:11. Самбо. Неъмат Ёқубов мўғулистонлик спортчини 2:0 ҳисобида мағлуб этиб чорак финалга чиқди.

9:05. Дзюдо. Жамоавий баҳсларнинг ярим финалида Ўзбекистон афсуски Қозоғистога мағлуб бўлди.

8:49. Самбо. Ҳамюртимиз Гулмира Исматова суриялик спортчини 4:0 ҳисобида мағлуб этиб чорак финалга чиқди.

8:45. Самбо. Ҳамюртимиз Нилуфар Давлетова таиландлик спортчини 4:0 ҳисобида мағлуб этиб чорак финалга чиқди.

8:10. Самбо. Ҳамюртимиз Неъмат Ёқубов биринчи босқичда таиландлик спортчини 4:0 ҳисобида мағлуб этиб нимчорак финалга чиқди.

8:09. Самбо. Ҳамюртимиз Нилуфар Давлетова биринчи босқичда ливанлик спортчини 4:0 ҳисобида мағлуб этиб нимчорак финалга чиқди. 

8:08. Байдарка ва каноэда эшкак эшиш. Шубина - Борзова тандеми 500 метр масофага ўтказилган баҳсларда КУМУШ медалга эга чиқди!

7:48. Дзюдо. Жамоавий баҳсларнинг чорак финалида Ўзбекистон Индонезияни 4:0 ҳисобида мағлуб этди ва ярим финалга чиқди. Ярим финалда дзюдочиларимиз Қозоғистонга қарши баҳс олиб боришади.

7:05. Байдарка ва каноэда эшкак эшиш. 200 метр масофага жуфтликлар ўртасида ўтказилган баҳсларда Артур Гулиев ва Элёржон Мамадалиев тандеми КУМУШ медалига эга чиқшди!

6:52. Кун ажойиб бошланди. Байдарка ва каноэда эшкак эшиш. 200 метр масофага ўтказилган баҳсларда Дилноза Раҳматова маррага учинчи бўлиб етиб борди ва БРОНЗА медалини қўлга киритди.

06:12. Ассалому алайкум. Бугунги матнли трансляциямизни бошлаймиз.

Унда иштирок этадиган спортчиларимиз рўйхатини эътиборингизга ҳавола қиламиз:

Дзюдо:

7:35 - Эркаклар, жамоавий (саралаш ва финал)
Аёллар, жамоавий (саралаш ва финал)

Самбо:

-90кг: Камолиддин Холмаматов
8:00 -  -90кг: Неъмат Ёқубов

-68кг: Гулмира Исматова
8:00 -  -68кг: Нилуфар Давлетова

Бокс:

12:00да бошлаб 

-49кг: Ҳасанбой Дўсматов - Амит (Ҳиндистон)
-52кг: Жасурбек Латипов - Роген Ладон (Филиппин)
-56кг: Миразиз Мирзаҳалилов - Хё Нам Жо (Шимолий Корея)
-60кг: Шунқор Абдурасулов - Тсендбаатар Ерденебат (Мўғулистон)
-64кг: Иқболжон Холдоров - Чинзориг Баатарсух (Мўғулистон)
-69кг: Бобоусмон Батуров - Асланбек Шимбергенов (Қозоғистон)
-75кг: Исроил Мадримов - Абилхан Аманкул (Қозоғистон)

Байдарка ва каноэда эшкак эшиш:

Ольга Умаралиева (яккалик, К1, 200м, финал)

Дилноза Раҳматова (яккалик, С1, 200м, финал)

Артур Гулиев, Элёржон Мамадалиев (жуфтлик, С2, 200м, финал)

8:00 - Екатерина Шубина, Юлия Борзова (жуфтлик, К2, 500м, финал)

9:30 - Наталья Казанцева, Юлия Борзова, Екатерина Шубина, Ксения Кочнева (тўртлик, К4, 500м, финал)

Триатлон:

Александр Куришов, Жавоҳир Юнусов (яккалик, стандарт, финал)