15 авг 15:35
Янгиликлар

Паралимпия

Осиё Паралимпия қўмитасининг VIII Бош ассамблеяси ўз ишини якунлади

Қозоғистоннинг Остона шаҳрида Осиё Паралимпия қўмитаси (APC) томонидан ташкил этилган Бош ассамблея йиғилиши ниҳоясига етди.

Тадбирнинг сўнгги куни доирасида шу йилнинг декабрь ойида Дубай шаҳри (БАА)да ташкил этиладиган ёшлар ўртасидаги Пара Осиё ўйинлари ҳамда Лос-Анжелес-2028 ёзги Паралимпия ўйинлари, шунингдек, Доха-2030 ёзги Пара Осиё ўйинлари ташкилотчилиги бўйича маълумот берилди.

Кун давомида Ўзбекистон Миллий Паралимпия қўмитаси ишчи гуруҳи Халқаро кўзи ожизлар федерацияси (IBSA), World Para Athletics (Халқаро пара енгил атлетика федерацияси) ташкилотлари раҳбариятлари билан учрашувлар ўтказди.