Ўсмир боксчиларимизнинг 11 нафари Осиё чемпионати финалига йўл олди + ФОТО

Кеча мусобақа доирасида ўсмирлар ўртасидаги баҳсларнинг ярим финал беллашувлари ўтказилди.

Унга кўра, рингга кўтарилган 12 боксчимизнинг 11 нафари ғалабага эришиб, финал йўлланмасини қўлга киритди. 

-48 кг вазнли боксчимиз Илҳомжон Эргашев қирғизистонлик рақибини мағлуб этди ва финалга йўл олди

-50 кг вазнли боксчимиз Самандар Олимов қозоғистонлик рақибини мағлуб этди. ФИНАЛ!

-52 кг вазнли Суннатилла Ўктамалиев иорданиялик рақибидан устун келди. Навбатдаги финал!

-54 кг вазн тоифасида Мироншох Норқосимов қозоғистонлик боксчини катта устунлик билан мағлуб этди ва финалга йўл олди

-57 кг вазнли боксчимиз Фаррух Тўлаганов ҳиндистонлик рақибини мағлуб этди

-60 кг вазн тоифасида Мирзакамрон Юнусов Тожикистон вакилидан устун келди

-63 кг вазнли боксчимиз Ҳожиакбар Қудратов қийин кечган жангда эронлик рақибини мағлуб этди. Навбатдаги финал!

-66 кг вазн тоифасида Сардор Дилолов Қозоғистон вакилига имкониятни бой берди ва мусобақанинг бронза медали билан кифояланди

-70 кг вазнли боксчимиз Жафарбек Шаҳбозов суриялик рақибини муддатидан олдин мағлуб этди. Финал!

-75 кг вазнли Темурбек Абдуваҳобов қирғизистонлик рақибини мағлуб этди. Финал!

-80 кг вазн тоифасида Раҳмонжон Қодиров қозоғистонлик боксчини мағлуб этди ва финалга йўл олди

+80 кг вазн тоифасида Озодбек Алиев ҳиндистонлик рақибидан устун келди. Финал!