20 окт 14:08
Янгиликлар

Бокс/ММА

Ўсмирлар Олимпиадаси чемпиони бўлган Абдумалик Халаков Бектемирнинг натижасини такрорлади

Хабарингиз бор, Аргентинадаги ўсмирлар Олимпия ўйинларида бокс баҳсларида ҳамюртимиз Абдумалик Халаков олтин медаль соҳибига айланди.

Халаков ушбу натижа орқали Бектемир Мелиқўзиевнинг натижасини такрорлади.

Бунгача Бектемир Мелиқўзиев 2014 йили София мезбонлик қилган ёшлар ўртасидаги жаҳон чемпионати, шунингдек, 2014 йилги Нанкин Олимпиадасида олтин медалга эга чиққанди. Абдумалик Халаков эса шу йил Будапешт мезбонлик қилган ёшлар ўртасидаги жаҳон чемпионатида шоҳсупанинг энг юқори поғонасидан ўрин эгаллаганди. Энди у Буэнос-Айрес мезбонлик қилган Олимпия ўйинларида чемпион бўлди.

Бектемир Мелиқўзиев ушбу муваффақиятга эришганидан 2 йил ўтиб, 2016 йилда катталар ўртасидаги Олимпия ўйинларида кумуш медални қўлга киритган. Абдумаликдан ушбу кўрсаткични нафақат такрорлаш, балки яхшилашни ҳам кутиб қоламиз.