12 мар 09:14
Янгиликлар
Футбол
Отабек Боймуродов: "Баклажка (елим сув идиш) устига ким қаерга тепишини ёзиб олгандим, аммо..."
U-20 Осиё Кубоги чорак финалида Австралия устидан қозонилган ғалабадан кейин Ўзбекистон термаси посбони Отабек Боймуродов ўз фикрларини билдирди.
- Мухлислар бизнинг 12-футболчимиз бўла олишди. Тўлган стадион учун барчага катта раҳмат. Бу биз учун биринчиси эмас. Бугунгиси шунчаки фантастика.
- Пенальтилар сериясига тайёрмидингиз?
- Ҳа. Баклажка (елим сув идиш) устига ким қаерга тепишини ёзиб олгандим. Аммо пенальти тепганларнинг учтаси рўйхатимда йўқ экан.
- Пенальтидан тепилган тўп устунга текканида ичингиздан қандай ҳиссиётлар ўтди?
- Сўзлар билан тасвирлаб бўлмайди. Билмадим. Балки ҳаётимдаги энг зўр ҳиссиётлардир.
- Асосий вазифа бажарилдими?
- Йўқ, кейинги икки ўйинда ҳам ютишни истаймиз. Биз ўз уйимиздамиз. Барчага ғалабаларни тақдим қилмоқчимиз. Бўшашишни истамаймиз.
Ҳавола :
Манба : championat.asia
Фикрлар