22 фев 12:34
Янгиликлар

Формула-1

Отабек Умаров FIA ташкилотида лавозимга эга бўлди

Мазкур тайинлов ортидан Умаров ташкилотнинг олий бошқарув органи фаолиятида иштирок этади.

Ўзбекистон Миллий Олимпия қўмитаси раисининг биринчи ўринбосари Отабек Умаров Халқаро автомобил федерацияси (FIA) Сенати таркибига кирди.

Мазкур тайинлов туфайли Отабек Муҳаммадалиевич ташкилотнинг олий бошқарув органи фаолиятида иштирок этади. Ўзбекистон вакилининг ушбу нуфузли тузилма таркибига кириши мамлакатимизда автомобил спорти ва мобиллик соҳасининг ривожланишига хизмат қилади.

Маълумот учун, Сенат FIA Бош Ассамблеясига стратегик тавсиялар киритувчи орган ҳисобланиб, ташкилот тараққиёти йўлида муҳим бўғин вазифасини бажаради.