Отабек Умаров Кувайтда ўтказилган Осиё Олимпия Кенгашининг Ижроия қўмитаси йиғилишида қатнашди

Унда мамлакатимиз номидан ООК вице-президенти, Ўзбекистон МОҚ раисининг биринчи ўринбосари Отабек Умаров иштирок этди.

ООКнинг янги Президенти Шайх Жавъан Ол Соний раислигида ўтган дастлабки расмий йиғилишда ташкилот штаб-квартираси фаолияти ва унинг бошқарув тизимини такомиллаштириш, келгуси комплекс мусобақаларга тайёргарлик жараёни, бошқа минтақалар билан ҳамкорликни кенгайтириш ва қўшма лойиҳаларни амалга ошириш масалалари муҳокама қилинди.

Шунингдек, тадбир доирасида расмийлар Кувайт Давлати Амири Шайх Мишъал ас-Сабоҳ ҳамда Валиаҳд Шайх Сабоҳ ас-Сабоҳ билан учрашиб, ўзаро ҳамкорликни янада мустаҳкамлаш ва истиқболдаги режалар юзасидан фикр алмашди.