05 апр 19:31
Янгиликлар

Бокс/ММА

Отабек Холматовнинг бир йиллик танаффусдан кейинги илк жанги муддатидан олдин якунига етди

Астанада старт олган проф бокс оқшоми доирасида ярим енгил вазн тоифасидаги ўзбекистонлик Отабек Холматов рингга чиқди.

27 ёшли ҳамюртимиз Филиппин вакили Жейсон Каной Манигосга қарши баҳс олиб борди.

Ярим енгил вазн тоифасидаги жанг 8 раундга мўлжалланганди. Холматов баҳснинг сўнгги, саккизинчи раундида Канойни нокаутга учратди.

Қайд этиш жоиз, ҳамюртимиз жанг давомида тажрибали рақибини кетма-кет зарбалари орқали бир неча бор қийин аҳволга солиб қўйди. Жумладан, у тўрт, олти ва еттинчи раундларда Жейсонни нокдаун ҳолатига туширди.

Шундай қилиб, Отабек Холматовнинг ҳисобидаги ғалабалар сони 13 тага етди. У бунга қадар охирги бўлиб турган жангида (2024 йил март ойида) Раймонд Фордга имкониятни бой берганди.

34 яшар Каной (30-13-2) эса бугун фаолиятидаги 13-мағлубиятини қабул қилиб олди.