Овечкин МХЛ "снайперлари" рўйхатида иккинчи ўринга кўтарилди

"Вашингтон" "Сент-Луис Блюз" клубига қарши кечган учрашувда йирик 8:1 ҳисобида ғалаба қозонди. Овечкин киритилган шайбаларнинг иккитасига муаллифлик қилди. Бу билан унинг жорий мавсумдаги голлари сони 10 тага етди ва у снайперлар рўйхатида иккинчи ўринга кўтарилиб олди.   

Александр Овечкин сингари 10 та гол киритиб улгурган хоккейчилар бир неча нафарни ташкил қилмоқда. У 14 та учрашувда 8 та голли узатмани ҳам амалга оширган. Никита Кучеров ("Тампа"), Сэм Райнхарт ("Флорида") ва Вильям Нюландер ("Торонто") ҳисобида 11 тадан гол бор.

Эслатиб ўтамиз, афсонавий Уэйн Гретцкининг рекордига 31 та гол қолди.