08 май 15:21
Янгиликлар
Бокс/ММА
Ойбек Жўраев ЖЧдаги илк жангида сербиялик кучли рақибини мусобақадан чиқариб юборди
Тошкентда бокс бўйича катталар ўртасидаги жаҳон чемпионатининг саккизинчи кунидан ўрин олган кундузги дастур жанглари старт олди.
Унда -54 кг вазн тоифасида ўзбекистонлик боксчи Ойбек Жўраев ҳам илк жангини ўтказди. Унга сербиялик Тамир Галанов рақиблик қилди. Тўлиқ 3 раунд давом этган мазкур жангда ҳамюртимиз Ойбек Жўраев ўз ишончли ҳаракатлари билан ҳакамларнинг якдил қарорини олган ҳолда 5:0 ҳисобида ғалаба қозонди. Жангнинг учинчи раундида ҳамюртимиз рақибини нокдаун ҳолатига солиб қўйганини ҳам таъкидлаш лозим.
Қайд этиш жоиз, Ойбекнинг бугунги рақиби мазкур вазнда еттинчи рақамли боксчи сифатида тасниф этилган эди.
Ойбек Жўраев бугунги ғалабаси орқали жаҳон чемпионатининг нимчорак финал босқичига йўл олди.
Ҳавола :
Манба : olamsport.com
Фикрлар