Ўзбек боксчисининг промоутери: "Тайсон формага кириб олмоқда, лекин у жанг қилмагани яхши"

"Майк Тайсон 2005 йилда Кевин МакБрайдга ютқазиб қўйганидан буён рингга чиқмади. Ундан олдин Майк Дэнни Уильямсга мағлуб бўлганди. У шунчаки бокс тушмаслиги лозим. Тамом. 

Карантин вақтида у формага кириб олди. Буларнинг барчаси ажойиб, чунки унда ортиқча вазн тўпланиб қолганди. Эндиликда у кераксиз вазндан қутилди ва машғулотлардан завқ олмоқда. Лекин лапага бериладиган зарбалар бошқа нарса. Лапа сизга жавоб қайтармайди. 

Агар улар кўргазмали жанг ташкил қилиб, одамларга сотмоқчи бўлишса уларга омад тилайман. Лекин, менинг фикрим бундай бўлмагани яхши", - деди Уоррен. 

Маълумот учун, Френк Уоррен "Quensberry Promotion" промоутерлик компанияси раҳбари ҳисобланади. Мазкур компания билан иқтидорли боксчимиз Абдулҳай Шораҳматов ҳамкорликни йўлга қўйган.