Ўзбек боксчисининг рақиби автофалокатдан сўнг биринчи спаррингини ўтказди

Спенснинг мураббийи Деррик Жеймснинг сўзларига кўра, боксчи ҳозир яхши формада ва бемалол 12 раундлик жанг ўтказа олади. 

"Ҳавотирга ўрин йўқ. Унинг реакцияси ва тайминги зўр ҳолатда. Спарринг бу ишимизнинг кейинги босқичи. Эррол бемалол 10 ёки 12 раунд жанг қила оладиганн аҳволда. У бир неча ойдан бери шуғулланаяпти, танаси ҳам фантастик кўринишда. 

Биз март ойида тайёргарликни бошладик. Шу сабабли сиз жангга деярли тайёр спортчини кўраяпсиз", -деди Жеймс.

Эслатиб ўтамиз, Қудратилло Абдуқаҳҳоров айни пайтда Спенсга тегишли бўлган IBF камари учун мажбурий даъвогар ҳисобланади. Боксчи автофалокатга учрагани сабаб боксчимизнинг Спенсга қарши жанги чўзилмоқда.