31 июл 13:31
Янгиликлар
Ўзбек бокси юлдузлари
2016 йили Рио-де-Жанейро шаҳрида бўлган тўрт йилликнинг нуфузли спорт анжуманида Ҳасанбой Дўсматов, Фазлиддин Ғоибназаров, Шаҳобиддин Зоиров каби спортчиларимиз олтин медалга сазовор бўлишди.
Бектемир Мелиқўзиев ва Шаҳрам Ғиёсов кумуш медаль билан тақдирланган бўлса, Муроджон Аҳмадалиев ва Рустам Тўлаганов бронза медалларига эга чиқишди.
Ҳасанбой Дўсматов Олимпиаданинг энг яхши боксчиси сифатида Вел Баркер совринини ҳам қабул қилиб олди. Мазкур натижалар Ўзбекистон терма жамоасига Олимпия ўйинларининг бокс дастурида 1-ўринни тақдим этди.
Боксчиларимизнинг бу ғалабаси кўплаб ёшлар қалбида спорт, хусусан боксга қизиқишнинг ортишига сабаб бўлди. Улар инсон доим мақсади сари олға қадам босса, унга эришиш йўлида меҳнат қилса, албатта мақсадига эришиши мумкинлигини ўз мисолларида тасдиқлашди.
Фикрлар