20 июл 09:07
Янгиликлар

Теннис

Ўзбек дербисида Оқгул Нигинадан устун келиб, финалга йўл олди

Хабар берганимиздек, шу кунларда Қозоғистоннинг Астана шаҳрида теннис бўйича “Фьючерс” туркумига кирувчи нуфузли турнир давом этмоқда.

Мукофот жамғармаси 80 000 АҚШ долларини ташкил қилувчи ушбу мусобақада мамлакатимизнинг етакчи теннисчилари - Сабина Шарипова, Нигина Абдураимова ва Оқгул Омонмуродова ҳам иштирок этяпти. Ҳамюртларимиздан Нигина ва Оқгул яккаликнинг иккинчи даврасида мағлубиятга учрашганди.

Эътиборлиси, бу икки теннисчимиз жуфтлик мусобақасининг ярим финалида ўзаро тўқнаш келишди. Грузиялик Екатерина Горгодзе билан тўртинчи рақамли жуфтликни ҳосил қилган Омонмуродова россиялик Анастасия Фролова билан тандем ҳосил қилган Нигина Абдураимова ҳамкорлигини 6:3, 6:4 ҳисобида мағлуб этди. Оқгул ва Екатеринанинг финалдаги рақибалари бугун маълум бўлади.