Ўзбек футболчиси ўтиши кутилган, Филиппо Индзаги бошқарувидаги клуб А Cерияга чиқди

Филиппо Индзаги бошқарувидаги “Беневенто” клуби Б Cериянинг 31 та ўйинида 76 очко жамғарган ҳолда рекорд қўйди ва А Cерияга йўлланманинг илк соҳиби бўлди.

Қайд этиш жоиз, “Беневенто” ўзи тарихида иккинчи бор юқори дивизионда қатнашади. Клуб биринчи марта 2016/17 йилги мавсум А Cерияда қатнашган эди. 46 ёшли Филиппо Индзаги ўтган мавсум “Болоня” бош мураббийи сифатида ишлаган, 21 та ўйинда атиги 2 та ғалаба қозонгани учун 2019 йил январида ишдан бўшатилганди.

Эслатиб ўтамиз, яқинда "Бунёдкор" футболчиси Жасур Жалолиддинов айнан “Беневенто” жамоаси кўригида бўлиб қайтганди.