13 сен 13:39
Янгиликлар

Бокс/ММА

Ўзбек телеканали Головкин - Канело жанги трансляцияси ҳуқуқини сотиб олди

17 сентябрь куни Лас Вегас шаҳридаги машҳур T-Mobile аренасида профессионал бокс бўйича йилнинг энг муҳим жангларидан бири бўлиб ўтади.

Энг нуфузли WBA, WBC, IBF ва IBO йўналишларида жаҳон чемпиони, бирор марта мағлубиятга учрамаган қозоғистонлик Геннадий Головкин ҳамда The Ring версияси бўйича вазн тоифасидан қатъий назар дунёнинг энг кучли боксчиси мексикалик Сауль Канело Альварес ўзаро рингга чиқишади.

Жанг натижасида ана шу тўртта чемпионлик камари, шунингдек WBC Super олтин камари ва Флойд Мэйвезер боксни тарк этгач профессионал рингнинг биринчи рақамли боксчиси унвони эгаси маълум бўлади. Бутун жаҳон бокс мухлисларининг катта қизиқишига сабаб бўлаётган ушбу бокс кечасининг эксклюзив трансляция ҳуқуҳини UZREPORT TV қўлга қиритди.

Демак, 17 сентябрь, якшанба, соат 8:00дан бошлаб жонли эфирда мухлислар Головкин – Альварес жангини жонли эфирда томоша қилишлари мумкин.