Ўзбекистон — аралаш жамоавий баҳсларда Жаҳон чемпионати совриндори!

Дунё биринчилигининг сўнгги тўртинчи куни жамоавий аралаш беллашувлар ташкил этилди. Жаҳоннинг 12 та сараланган терма жамоалари қаторида Ўзбекистон ўсмирлари ҳам медаллар учун кураш олиб борди. Чорак финалда Россияни мағлуб этган вакилларимиз муросасиз кечган 1/2 финал баҳсида Қозоғистон терма жамоасига имкониятни бой беришди.

Дзюдочиларимиз бронза медали учун кечган беллашувда Франция терма жамоасини 4:1 ҳисобида мағлуб этишди. Қозоғистон эса финалда Бразилиядан устун келиб, аралаш жамоавий баҳсларда жаҳон чемпионига айланди. 

Эслатиб ўтамиз, Аурелио Чиприан-Флис бош мураббийлигидаги кадетларимиз яккалик баҳсларида 1 та олтин, 1 та кумуш, 4 та бронза медали билан 60 давлат орасида умумжамоа ҳисобида кучли учликдан жой олган эди.  

Олтин медаль

-40 кг: Ирода Сирожиддинова

Кумуш медаль

-90 кг: Жўрабек Эшпўлатов

Бронза медаллар

-55 кг: Бобур Юсупов

-73 кг: Беҳрузбек Усмонов

-44 кг: Алина Колючева

-48 кг: Чарос Хикматова