13 сен 19:52
Янгиликлар

Бокс/ММА, Осиё ўйинлари

Ўзбекистон бокс терма жамоаси Осиё ўйинлари олдидан Хитойда машғулотларга киришди + ВИДЕО

Бокс бўйича Ўзбекистон эркаклар ҳамда аёллар терма жамоалари Ханчжоудаги Осиё ўйинларида иштирок этиш мақсадида Хитойга йўл олган эди.

Терма жамоамиз бугун Хитойда илк машғулотини ўтказди. Бу ҳақда эркаклар терма жамоаси бош мураббийи Тўлқин Қиличев ўз Instagram саҳифасида маълум қилди.

Қайд этиш жоиз, Ўзбекистон бокс федерацияси Осиё ўйинлари учун биринчилардан бўлиб ўз таркибини эълон қилди. Таркибдан Ҳасанбой Дўсматов, Баҳодир Жалолов каби етакчи боксчилар ўрин олганини таъкидлаш лозим.