Ўзбекистон чемпионатининг сўнгги куни оғир вазн тоифаларида ғолиблар аниқланди + ФОТОГАЛЕРЕЯ

Мамлакат биринчилигининг сўнгги куни оғир вазн тоифасида беллашувлар ташкил этилди. Ўсмирлар -90, +90, қизлар эса -70, +70 кг вазн тоифаларида татамига чиқишди. Тўртта вазнда иккитасида хоразмлик дзюдочилар, қолган иккитасида Бухоро вилояти ва Тошкент шаҳри вакиллари чемпионлик шоҳсупасига кўтарилишди. 

Уч кунлик беллашувлар якунига кўра, Хоразм вилояти дзюдочилари медаллар жамғариш бўйича умумжамоа ҳисобида биринчи ўринни банд этишди. Улар 5 та олтин, 5 та кумуш, 7 та бронза медалини қўлга киритишди. Тошкент шаҳри жамоаси 2 та олтин, 2 та кумуш, 4 та бронза медали билан иккинчи ўринни банд этган бўлса, 2 та олтин, 1 та кумуш, 3 та бронза медалига эга пойтахт вилояти дзюдочилари кучли учликка якун ясаб беришди. 

Эътиборлиси, 14 та ҳудудий терма жамоалардан 13 тасида Ўзбекистон чемпионатининг камида битта бронза медалига эга бўлди. Биргина фарғоналик дзюдочилар мусобақада медалсиз қолишди.   

Учинчи кун ғолиб ва совриндорлари:

ЎСМИРЛАР

-90 кг вазн тоифаси

1.Ферузбек Султонов (Бухоро)

2. Элнур Холмуродов (Қашқадарё)

3. Акобир Йўлдошев (Сурхондарё)

3. Олимжон Бобоев (Хоразм) 

+90 кг вазн тоифаси

1. Алибек Дурдиев (Хоразм)

2. Нурдавлат Рустамов (Хоразм)

3. Темур Собиров (Самарқанд)

3. Ерсултан Толибаев (Қорақалпоғистон)

ҚИЗЛАР

-70 кг вазн тоифаси

1. Сабрина Холназарова (Хоразм)

2. Пошшажон Жумабоева (Хоразм)

3. Орзу Темирова (Қашқадарё)

3. Севинчой Хударганова (Хоразм)

+70 кг вазн тоифаси

1. Сора Сайфуллаева (Тошкент шаҳри)

2. Ҳулкар Бахтиёрова (Хоразм)

3. Азиза Аҳмадалиева (Тошкент вилояти)

3. Хонзодабегим Усмонқулова (Самарқанд)