Ўзбекистон давлат жисмоний тарбия ва спорт университетида семинар-тренинг ташкил этилади

Мазкур семинар-тренинг Япония Халқаро Алоқалар Агентлиги (JICA), Ўзбекистон Республикаси жисмоний тарбия ва спорт вазирлиги, Ўзбекистон давлат жисмоний тарбия ва спорт университети хамда Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш маркази ҳамкорлигида ташкил этилади.

Учрашув давомида “Имконияти чекланган инсонларни спорт орқали ижтимоий қўллаб-қувватлашни ташвиқот қилиш” бўйича университет ва малака ошириш маркази билан ўзаро ҳамкорлик алоқаларини йўлга қўйиш режалаштирилган.

Ушбу семинар-тренинг машғулотлари 3 кун давомида, биринчи 25 ноябрь куни Ўзбекистон давлат жисмоний тарбия ва спорт университетида, иккинчи семинар тренинг 26-27 ноябрь кунлари Жисмоний тарбия ва спорт бўйича мутахассисларни илмий-методик таъминлаш, қайта тайёрлаш ва малакасини ошириш марказида ўтказилиши режалаштирилган.

Семинарғтренингга Япониянинг етук мутахассислари Япониянинг Халқаро Алоқалар Агентлиги Тоҳоку Маркази ходими Хитоми Исава хоним, “Сo-innovation laboratory” ташкилоти ижрочи директори жаноб Дайсуко Хашимoто хамда Япония Таккю-воллей федерацияси вица-президенти ва тарғибот қўмитаси раиси жаноб Южи Хорикава хамда Жайканинг Ўзбекистондаги ваколатхонасининг лойиҳалар координатори Фарҳод Қурбонов ташриф буюради. 

Ташриф юзасидан дастур ишлаб чиқилган бўлиб, унда дастурга мувофиқ семинар-тренинглар ўтказиш ва ташкилот раҳбарлари билан ҳамкорлик алоқаларини ўрнатиш юзасидан учрашувлар ўтказиш режалаштирилган.