Ўзбекистон делегацияси Жаҳон этноспорт ўйинларида. Очилиш маросимида Режеп Тойиб Эрдоғон иштирок этди + ФОТО

Мазкур спорт анжуманида дунёнинг 102 давлатидан 3 минг нафардан ортиқ спортчи ғолиблик учун баҳсларга киришган.

Жаҳон этноспорт ўйинларида Ўзбекистон Республикаси спортни ривожлантириш вазири Адхам Икрамов бошчилигидаги мамлакатимиз делегацияси ҳам иштирок этмоқда.

Мусобақанинг тантанали очилиш маросимида Туркия Республикаси президенти Режеп Тойиб Эрдоған ҳам қатнашди ва нутқ сўзлади. Фахрий меҳмон ўз сўзида барча иштирокчиларни Жаҳон этноспорт ўйинларининг бошланиши билан самимий муборакбод этди ҳамда уларга омад тилади.

Жаҳон этноспорт ўйинларида Ўзбекистон спорт делегацияси улоқ кўпкари, кураш, белбоғли кураш, корш (Татаристон кураши), алиш (қирғиз кураши), қозоқ кураши, камондан отиш, мас-рестлинг, бел олиш ва уч кураш каби спорт турларидан қарийб 80 нафар спортчи билан иштирок этишади.

Маълумот учун: Жаҳон этноспорт ўйинлари 4 октябрга қадар давом этади.