31 мар 12:17
Янгиликлар
Қишки спорт турлари
Ўзбекистон делегациясининг Милан ва Кортина д'Ампеццо-2026 қишки Олимпиадасига йўлланмалари сони яна биттага кўпайди
2026 йилнинг 6-22 февраль кунлари Италиянинг Милан ва Кортина д'Ампеццо шаҳарларида XXV қишки Олимпия ўйинлари ташкил этилади.
Бир неча кун илгари Ўзбекистон Миллий Олимпия қўмитаси турнир учун илк йўлланмага эга чиққанди. Жуфтлик йўналишидаги фигурали учувчилар Екатерина Гейниш ва Дмитрий Чигирёв Жаҳон чемпионатида кучли ўнликка кириш орқали ўйинлар йўлланмасини тақдим этди.
Аҳамиятлиси, делегация Олимпия ўйинлари учун яна бир лицензия эга чиқди. Бу ҳақда Wikipedia'нинг инглиз хизмати хабар бермоқда.
Манбага кўра, Ўзбекистон тоғ чанғиси спортида эркаклар учун битта йўлланмага эга чиққан. Ҳозирча Ўзбекистон МОҚ матбуот хизмати бу бўйича расмий маълумот бермади.
Эслатиб ўтамиз, 2022 йилда Пекинда бўлиб ўтган сўнгги қишки Олимпия ўйинларида Ўзбекистон номидан фақатгина бир нафар тоғ чанғичиси Комилжон Тўхтаев иштирок этганди.
Ҳавола :
Манба : olamsport.com
Фикрлар