08 янв 09:17
Янгиликлар

Гандбол

Ўзбекистон гандбол терма жамоалари ҳар икки ёш тоифасида IHF Trophy мусобақаси ғолибига айланди

Ҳиндистоннинг Лакхнау шаҳрида гандбол бўйича ўсмирлар ва ёшлар ўртасидаги Халқаро гандбол федерацияси кубогининг Осиё қитъаси босқичи ўз ниҳоясига етди.

Хабар берганимиздек, мусобақа доирасида Ўзбекистон U-18 ва U-20 терма жамоалари ҳам ўз ёш тоифаларидаги баҳсларда иштирок этди.

Қувонарлиси, ҳар икки термамиз турнир финалига қадар етиб бориб, якунда ғолибга айланишди. Ўзбекистон U-18 термаси финалда мезбонларни 47:23 ҳисобида мағлуб этган бўлса, ёшларимиз Қозоғистон терма жамоасини 38:18 ҳисобида доғда қолдиришди.