Ўзбекистон иштирок этадиган ЖЧ учун чипталар сотувга чиқарилди

Ереван шаҳридаги мусобақада Ўзбекистон миллий терма жамоаси ҳам қатнашади.

Ўйинлар Адмирал Исаков шоҳ кўчасида жойлашган муз саройида ўтказилади. Сарой 2015 йил декабрида очилган бўлиб, бу ерда фигурали учиш ва хоккей мактаби талабалари шуғулланишади. Асосий арена трибуналари 538  томошабинни ўз бағрига сиғдира олади, холос. 

Ташкилотчилар чипталарга талаб юқори бўлишини инобатга олиб, уларга қуйидагича нарҳ белгилашди:

Энг арзони: 2000 драм (5,1 доллар)

Ўртача баҳолангани: 15000-20000 драм (38-51 доллар)

Энг қиммати: 100000 драм (255 доллар).

Турнирга қизиқишни кучайтириш мақсадида ташкилотчилар ижтимоий тармоқларда танловлар ўтказиш йўли билан омадли мухлисларга чипталар совға қилишниям унутишмагани диққатга сазовор.

12 апрелга қадар турнир ўйинларига чипталарни электрон илова орқали AHLWC промо-кодидан фойдаланиб 20 фоиз чегирма билан харид қилиш мумкин.

Мирзаҳаким Тўхтамирзаев