Ўзбекистон каратэ миллий федерацияси селекция ишларига жиддий эътибор қаратмоқда

Япония пойтахти Токиошаҳри мезбонлик қиладиган  ёзги олимпия ўйинларида ишитирок этишни мақсад қилган   Ўзбекистон каратэ миллий федерацияси ушбу нуфузли мусобақага муносиб иштирок этиш ниятида тайёргарлик ишларини  бошлаб юборган. Хусусан, ўғил-қизларимиз ўртасида каратэ  спорт турини янада оммалаштириш, иқтидорли спортчи-ёшларни саралаш, қолаверса, мураббийларнинг касб-маҳоратини ошириш, вилоятларда каратэ спорт турини янада ривожлантириш мақсадида  бир қатор ишларни амалга оширишмоқда.  Ўзбекистон каратэ миллий федерацияси тақвим-режасига мувофиқ ўтказилаётган ушбу ўқув-машғулотлар, семинар ва селикция ишлари Қорақалпоғистон Республикаси, Тошкент шаҳри барча вилоятларда бир ой мобайнида ташкил этилади. Дастлаб 9 февралдан бошланган ушбу сайъ-ҳаракатларга Сурҳондарё вилояти мезбонлик қилди. Сурхондарё вилояти каратэ миллий федерацияси билан ҳамкорликда ташкил этилган иш - режасига мувофиқ, болалар ва ўсмирлар ўртасида вилоят биринчилиги беллашувлари ўтказилди. Термиз шаҳри мезбонлигида ўтган вилоят биринчилигида ғолиб ва совриндор бўлган ёш каратэчилар мураббий ва мутахассислар эътиборида бўлди. Боиси, ушбу мусобақа селекция вазифасини ўташи билан аҳамиятли саналади. Ўзбекистон каратэ (WKF) бўйича миллий терма жамоага муносиб номзодларни  саралаш - мусобақадан кўзланган асосий вазифалардан бири эди. Мусобақа доирасида ҳакамлар учун ўқув-семинари ҳам ташкил этилди. Сабаби, каратэ бўйича ҳакамларимизнинг халқаро миқёсдаги мусобақа ва турнирларда иштирокини кўпроқ таъминлаш ҳамда бу орқали ҳам мамлакатимиз нуфузини жаҳон спорт майдонларидан туриб мамлакатимиз шарафини муносиб ҳимоя қилишдир. 

Режага мувофиқ, Ўзбекистон каратэ миллий федерацияси ишчи гуруҳи навбатдаги вилоят биринчилиги ва селекция ишларини амалга ошириш учун  эртадан Қашқадарё вилоятида давом эттиради.

Айни пайтда юртимизда 20 мингдан ортиқ ёшларимиз каратэ спорт тури билан мунтазам машғулотларга киришган, - дейди Ўзбекистон каратэ миллий федерацияси раиси ўринбосари Комилжон Одилов. – Хабарингиз бор, каратэ спорт тури ёзги олимпия ўйинлари  дастуридан мустаҳкам ўрин олган.  каратэга бўлган эътибор ва қизиқиш натижада янаям кучайди. Халқаро мусобақаларда ҳам рақобат  ортган. Ўзбекистон каратэ миллий федерацияси раиси Алам Муллаев бошчилигида вазифамиз Токио-2020 ўйинларига каратэ (WKF) бўйича йўлланмаларни қўлга киритиш ва кучлилар қаторида бўлишни ният қилган ҳолда бор эътиборимизни спортчиларимиз орасидан энг иқтидорлиларини саралаб терма жамоамизга жалб қилиш, ўқув-йиғин машғулотлари, семинарлар ўтказиш каби ишларга қаратамиз. Шунингдек, каратэчиларимизни Осиё, жаҳон чемионатлари, халқаро турнирлада иштирокини таъминлаш  асносида уларнинг маҳоратларини ошириб бориш ва Токио-2020 ўйинларига кўпроқ спортчиларимиз билан бориб, кучли учликдан жой олиш ва Ватанимиз шарафани улуғлаш бош мақсадимиз бўлиб қолади.

Илҳом РАҲМОНОВ