Ўзбекистон медалсиз қолган Жаҳон чемпионатида умумжамоа ҳисобида ким етакчилик қиляпти?

Айни пайтга келиб 6 та вазн тоифасида ғолиб ва совриндорлар номи маълум бўлиб улгурди. -48 ҳамда -81 кг вазнларда мезбонлар вакилалари Ниту Гангас ва Савити Бура, -52 ва -63 кг вазнларда хитойлик боксчилар Ю Ву ҳамда Ян Чэньюй, -57 килограммда италиялик Ирма Теста, -70 кг вазнда эса россиялик 18 ёшли Анастасия Демурчян жаҳон чемпионлигини қўлга киритди.    

Ҳозирча Хитой 2 та олтин, 1 та кумуш, 3 та бронза медали билан умумжамоа ҳисобида биринчи ўринни эгаллаб турибди. Ҳиндистон 2 та олтин билан иккинчи ўринни банд этган бўлса, 1 тадан олтин, кумуш ва бронза медалларини жамғарган Россия кучли учликка якун ясаган. Тўртинчи ўриндаги Италия терма жамоасида 1 та олтин ва 1 та кумуш медали бор. Қозоғистонлик боксчилар 1 та кумуш, 4 та бронза медалига эга чиқишган. Жами 17 давлат терма жамоалари камида 1 та бронза медалини қўлга киритиб улгурган. 

Эслатиб ўтамиз, Ўзбекистон терма жамоасининг ушбу жаҳон чемпионатидаги энг яхши натижаси чорак финал бўлган эди.