Ўзбекистон МТЖ собиқ футболчиси Каннаваронинг тайинланиши ҳақида: "Ассоцация қандай мезонларга таянганини билмайман"

"Очиғи, Каннаваро биз учун сирли мураббий. Унинг мураббийлик тарихини ўрганар эканмиз, у кўп ютуқларга эришмаганини тушунамиз. Гап нафақат унвонлар, балки футболнинг ўзи ҳақида ҳам. Аслида олганда, уни кўпчилик буюк футболчи сифатида эслайди. Федерация қарор қабул қилаётганда қандай мезонларга асосланиб қарор қилганини билмайман. Қолаверса, биз кўпроқ ҳужумкор футболга эътибор қаратганмиз. Менимча, Каннаваро бизга нимадир бера олади деб ўйламайман. 

Бошқа томондан, биз ҳам Сречко Катанецнинг тайинланишига шубҳа билан қарагандик, аммо якунда ҳаммаси жойида бўлди. Жаҳон чемпионатида бизга қандай вазифа қўйилгани ҳали маълум қилинмади. Аммо гуруҳдан чиқиш жамоа учун омадли бўларди. Плей-офф босқичини мақсад қилмасдан туриб турнирга боришдан маъно йўқ", - деб фикр билдирди Жаъфар Ирисметов.