20 май 08:05
Янгиликлар

Футбол

Ўзбекистон Нидерландия билан ўртоқлик ўйини учун пул тўлайдими?

Ўзбекистон миллий терма жамоаси жорий йилнинг 8 июнь куни АҚШнинг Нью-Йорк шаҳрида Нидерландия миллий терма жамоасига қарши ўртоқлик учрашувида майдонга тушади.

Айрим манбалар ва ижтимоий тармоқларда мазкур учрашув учун Ўзбекистон футбол ассоциацияси томонидан Нидерландия терма жамоасига 300 минг доллар миқдорида маблағ тўланиши ҳақида хабарлар тарқалмоқда.

Ўзбекистон футбол ассоциацияси матбуот хизмати ушбу маълумотлар ҳақиқатга тўғри келмаслигини маълум қилди. Айтилишича, мазкур ўртоқлик учрашуви учун Нидерландия футбол федерациясига ҳеч қандай маблағ тўланмайди.

Учрашувни ташкил этиш билан боғлиқ стадион ижараси, хавфсизлик, трансляция ҳамда бошқа ташкилий харажатлар эса томонлар ўртасидаги келишувга мувофиқ тенг тақсимланади.

Эслатиб ўтамиз, Фабио Каннаваро қўл остидаги миллий жамоа 8 июнь куни Нью-Йоркдаги "Icahn Stadium"да Нидерландияга қарши ўртоқлик ўйини ўтказади.