19 янв 13:20
Янгиликлар

Оғир атлетика

Ўзбекистон оғир атлетика терма жамоаси Украинада ўқув-машғулот йиғинини бошлади

Оғир атлетика бўйича Ўзбекистон миллий терма жамоаси аъзолари Украинада янги спорт мавсумининг дастлабки ўқув-машғулотлар йиғинига киришди.

Баҳром Мендибоев бошчилигида полвонларимиз 3 ҳафта давомида Украинанинг Каменец-Подольский шаҳрида машғулотлар олиб боришади. Сўнгра машғулотлар Туркияга кўчирилиши режалаштирилган.

Ушбу йиғинлар оғир атлетикачиларимиз учун апрель ойида Тошкентда ўтказиладиган Токио олимпиадасига йўлланмалар тақдим этувчи лицензион мусобақа - Осиё чемпионатига тайёргарлик вазифасини ўтайди.