Ўзбекистон Олимпия ўйинларига йўлланма берувчи Жаҳон чемпионатига мезбонлик қилади!

"Бирлашган Араб Амирликларининг Фужайра шаҳрида Бутунжаҳон таэквондо кенгаши йиғилини бўлиб ўтди. Унда 2027 йилга қадар бўлган кенг кўламли йирик мусобақалар тақвими доирасида бўлажак мезбон мамлакатлар аниқлаб олинди. Биз учун аҳамиятлиси, тадбир давомида Ўзбекистон таэквондо ассоциацияси ёшлар ўртасидаги 2026 йилги Жаҳон чемпионати мезбонлиги учун даъвогарлик қилди. Кўргазмалардан сўнг мусобақа мезбонлиги тантанали равишда Тошкент шаҳрига топширилди. Пойтахтимиз мезбонлик йўлида Хитойнинг Чонгқинг ҳамда Грециянинг Афина шаҳарларидан кўп овоз тўплади. 

Бутунжаҳон таэквондо ассоциацияси президенти Чунгвон Чой барча мезбонларни табриклаб, қуйидагича сўз юритди:

"Бугунги тадбирлар Жаҳон таэквондо кенгаши томонидан ажратилгани таэквондонинг глобал қудрати ва спортчиларимиз учун жаҳон миқёсидаги мезбонларни ҳимоя қилишини кўрсатади. Мезбонликни қабул қилган барча миллий федерацияларни табриклаймиз. Мамлакатларингиздаги ажойиб тадбирларда қатнашишни интиқлик билан кутамиз".

Шундай қилиб, Тошкент шаҳри 2026 йилда ёшлар ўртасидаги Жаҳон чемпионатини ўзида қабул қиладиган бўлди. Ушбу мусобақада 2026 йилда Cенегалнинг Дакар шаҳрида бўлиб ўтадиган ёшлар ўртасидаги Олимпия ўйинларига йўлланмалар ўйналади", дейилади расмий хабарда.