16 ноя 17:39
Янгиликлар

От Спорти

Ўзбекистон от спортида янги саҳифа — Бекзод Қурбонов Техасдаги Жаҳон кубоги финалида иштирок этади!

Бу ҳақда Ўзбекистон йилқичилик ва от спорти федерацияси хабар берди.

"2026 йилнинг 8-12 апрель кунлари АҚШнинг Техас штатида конкурлар (тўсиқлардан сакраш) бўйича Жаҳон кубоги финали бўлиб ўтади. Ушбу нуфузли мусобақада Ўзбекистон шарафини тажрибали ва иқтидорли чавандоз Бекзод Қурбонов ҳимоя қилади.

Бекзод Қурбонов жорий мавсумда Марказий Осиё паст лигаси ғолиби сифатида финал босқичига йўлланма қўлга киритди. У илгари ҳам бир қатор халқаро мусобақаларда муваффақият қозониб, Ўзбекистон чавандозлик мактабининг юқори савиясини дунёга намоён этган.

Техасдаги Жаҳон кубоги финалидаги иштирок — бу нафақат Бекзод Қурбоновнинг шахсий ютуғи, балки Ўзбекистон спорти ва йилиқчилик тарихида янги саҳифадир", дейилади ташкилот хабарида.