22 ноя 17:11
Янгиликлар

Футбол

Ўзбекистон U-16 терма жамоаси Кореяга имкониятни бой берди

Ўзбекистон U-16 терма жамоаси меҳмонда Корея Республикаси U-16 терма жамоасига қарши навбатдаги ўртоқлик ўйинида майдонга тушди.

Унда кореяликлар Сергей Чигодаев қўл остидаги Ўзбекистон ўсмирлари дарвозасига битта тўп киритишди. Учрашувда дуранг қайд этилиши мумкин эди, бироқ 83-дақиқада Миркомил Муродов пенальтидан унумли фойдалана олмади.

Эслатиб ўтамиз, жамоалар ўртасидаги дастлабки баҳсда кореяликлар 5:0 ҳисобида зафар қучишган эди.

Ўртоқлик учрашуви

U-16 Корея Республикаси – Ўзбекистон 1:0

Бошланғич таркиб: Денис Журавлёв, Миржамол Анваров, Машҳурбек Абдусолиев, Абубакир Раҳимов, Адис Абдунабиев, Ислом Равшанов, Фарруҳ Ҳайитмуродов, Амирхон Эркинов, Суҳроб Садиржонов, Муҳаммадодилхон Орифхонов, Лазиз Абдураимов.

Захирадан тушганлар: Муҳаммад Маматов, Миркомил Муродов, Кирилл Капран, Хабиб Тоҳиров, Рустам Алиев, Муҳаммад Мансуров, Муҳаммадали Ўроқов.