18 дек 12:23
Янгиликлар

Хоккей

Ўзбекистон хоккей терма жамоаси "Ҳумо"нинг россиялик собиқ ҳужумчисини маҳаллийлаштиради

Россиялик 26 ёшли хоккейчи Павел Синявсвий Ўзбекистон терма жамоаси учун ўйнайди.

Бу ҳақда Тошкентнинг "Ҳумо" хоккей клуби медиа менежери Александр Малишев ўзининг Telegram'даги канали орқали хабар берди.

"У ва мен 2019 йилдан бери елкама-елка яшаймиз. Ёш йигитга интервью беришни ўргатганим, ҳатто мажбурлаганим ҳам эсимда.

Мен у учун хурсандман. У Ўзбекистон терма жамоаси аъзоси сифатида Тошкентга келади. Келгуси ҳаёт қандай бўлишини ким ҳам биларди. Баъзан улар қайтишади", деб ёзганди Малишев Синявский "Ҳумо"ни тарк этганида.

Павел ҳозирда ВХЛда иштирок этаётган "Молот" клуби сафида ҳаракат қилмоқда. У "Ҳумо" таркибида жами 104 та ўйин ўтказиб, 74 очко ишлаган.